失誤錯誤無為恥
自我自封路終止
虛心熱心常在心
時限界限念無限
坦誠坦白對吾心
吾知誤知而悟之
金魚記性真惱人
還原基礎紙上印
不問堅持能多久
只惟踏步往前走
2017年8月11日 星期五
《被氣透的情緒》
在忙得氧含量不足的悶熱八月，本來滿心期待偷得浮生半日閒，走進「黑盒」窺探別人的故事，卻換來被氣透的情緒。
因為錯過了一班車，落車時我望一望手錶，時間開始緊迫起來。
～倒數開場30分鐘～
於是我急步提膝往電影院進發，步致電影售票處的電腦前，選戲、揀位、購票、取票、完成。
～倒數開場25分鐘～
在衝趕的狀況下，我(懶型懶有原則)選擇不光顧電影院旁的美式連鎖快餐店，而到附近一間樓上咖啡店(不是趕得要命的嗎，還裝甚麼文中)。
推進咖啡店的門，人還未坐下已著店員遞上餐牌，目標清晰地點了餐牌上唯一一個素食食品。我靠！店員說已賣清，我只好點個次選(其實沒有次選，都是被迫選擇)，落單後眼球定睛的地方便是時針同分針。
～倒數開場20分鐘～
秒針不斷地向同一方向轉動，脈搏頻率及焦急情緒標靶上的指針亦向同一方向移動。時間一分一秒的溜走。
～倒數開場10分鐘～
時間過得很快，食物亦終於呈到眼前，我已無意欲欣賞它的美貌，更好的美食(包括杯熱咖啡)，當刻只是充饑的材料。我便手起叉落，將它們倒進口腔食道胃部，使大腦接收到訊息，胃部被堵塞了空間。
～倒數開場2分鐘～
一手拿著還未傾倒入口的雞中翼衝出咖啡店(我無攞埋入戲院㗎)，步入黑盒時已播放預告片(其實電影播放前的預告片或廣告時刻十分重要，找機會再談)。因為太趕急，連坐位也坐錯了，自己也有點不好意思，摸黑尋找屬於自己的位置，但發現原來的座位被一對小情人霸佔(正確黎講係其中一位)，而帶位員又敷衍地指示該行餘下的唯一座位給我，為免影響他人，我(扮好人扮大方)懷著深深不憤的心情黑住面咁坐下來。
本想調整心神準備觀賞期待的電影，可是今天黑過黑色星期五，我又黑仔過黑仔達。旁邊的中年男不停展露他(手上)的光芒，對我的眼球極其滋擾！於是我繼續黑面(雖然無人睇到血壓高企下)睇電影。
最後，電影的前四份一部份在情緒被影響下觀看，灰到核爆。
2017年7月26日 星期三
《造作家》
造，就係由無到有，由零到多於零，將本來唔存在嘅野由你「作」出黎。我本身嘅諗野(思考)模式就無乜組織、無乜結構、無乜連貫、無乜章法，簡單d黎講就係打晒風亂咁黎，之但係個人又衰衰格格，想作出黎嘅野令自己通人地明，就真係要花十牛八虎之力先可以完成。(點解係十牛八虎唔係九牛二虎，咪就係極難咁囉)。
作，在我而言，不論係飽學詩書，抑或只識得幾個字，不論內容係合情合理，定係狗屁不通。其實退一萬零一步，只要你有野想講想表達，就可以成為一名「作家」。至於是高手低手，是名筆市井，則由大家各自修行各自精彩，與人無尤。
家，要成派成家，需要不斷反覆思考整頓，方能建立屬於自己嘅思維模式。我嘅靈感就好似患左「無定向喪心病狂間歇性全身機能失調症」(簡單d黎講即係「腦震盪」)，好多時「腦震盪」會忽然之間震一震，有少少似企响尿兜前腿張開個一刻(我亂嗡嘅)。每次「腦震盪」個陣，我都自以為靈感精彩絕倫、驚世巨作，只有我呢個天才先有咁嘅思維、眼光、見識諗到，但呢個勁過核爆嘅靈感亦會好似煙花咁一瞬即逝，如果唔立即提筆(解鎖)記低，通常9成沖出大海搵唔返，得返1成碎片，更多時候係「斷片」，想搵(記)都搵(記)唔返。
作，在我而言，不論係飽學詩書，抑或只識得幾個字，不論內容係合情合理，定係狗屁不通。其實退一萬零一步，只要你有野想講想表達，就可以成為一名「作家」。至於是高手低手，是名筆市井，則由大家各自修行各自精彩，與人無尤。
家，要成派成家，需要不斷反覆思考整頓，方能建立屬於自己嘅思維模式。我嘅靈感就好似患左「無定向喪心病狂間歇性全身機能失調症」(簡單d黎講即係「腦震盪」)，好多時「腦震盪」會忽然之間震一震，有少少似企响尿兜前腿張開個一刻(我亂嗡嘅)。每次「腦震盪」個陣，我都自以為靈感精彩絕倫、驚世巨作，只有我呢個天才先有咁嘅思維、眼光、見識諗到，但呢個勁過核爆嘅靈感亦會好似煙花咁一瞬即逝，如果唔立即提筆(解鎖)記低，通常9成沖出大海搵唔返，得返1成碎片，更多時候係「斷片」，想搵(記)都搵(記)唔返。
真係落筆啦(將手指頭輕放於𨫡盤上)，然後天真咁希望將個1成碎片併返成張完整圖畫出黎，真係極其困難。點做到，就係做唔到，所以我好多時都會開咗個頭，儲一個，又開另一個頭，又儲一個，於是又知又覺間儲左好多個草稿，仲多過發佈咗個d。如果我生存係原稿紙年代，相信响我張工作枱底下個廁紙鑼會放滿(瀉)一舊又一舊嘅紙球，恐怕我晚晚都會同樹妖大被同眠。雖然係咁，我仍努力嘗試打返開一個又一個紙球，希望將每個曾經响個腦震一震過嘅靈感，都能夠被重整然後還原它的面貌，呈現人前。
又作左一篇。
2017年3月25日 星期六
《友誼永固》
小學畢業那年有寫紀念冊嗎？仍收藏著嗎？還記得給誰寫過，裡頭又寫過甚麼嗎？除了一些祝福願景字句外，我記憶中出現得最多的就是「
兒時大多沒有機心，最歡樂的時光便是一班朋友落公園玩耍，
慢慢我們都隨時間長大，升往不同學校，各自發展進修，
往昔好友按時按日相聚，如今卻是按月按年見面。
P.S.
友誼金句：
「記得(M)記得(E)記得(M)(E) ME!」
「萬理長城長又長，我俩友誼比他長」
楊千嬅—友誼萬歲
軟硬天師—好兄弟
2017年1月26日 星期四
《字．思》
字—字海字在字思字我，字字珠璣。
思—思想思考思索思緒，思思悠然。
情—情感情境情愫情愛，情情塔塔。
沉—沉思沉醉沉迷沉澱，沉沉覓覓。
字詞從來不慌不忙不迫，靜候相遇。
思索那個一字一詞一句，與之共鳴。
情感總是忽冷忽溫忽熱，情難自控。
沉醉深心心靈心扉心坎，心如止息。
2017年1月12日 星期四
《廁室逃脫》
某日同阿女逛商場途中，佢忽然話要去洗手間，當刻好似帶住個「
儘管有晒心理準備，不過身處個幾平方尺嘅空間仍然令人提心吊膽。
响廁格充滿上萬過億肉眼睇唔到嘅細菌，可謂半刻如年，
眼見阿女全神貫注咁「辦事」，我又心急如焚地問：「得唔得呀？
最後終於可以抱住阿女响斗室逃脫出嚟，即刻吸返啖舒適空氣。
訂閱：
文章 (Atom)